كنت راجعه في يوم من الشغل وانا ماشيه في الطريق لقيت ناس كتيره
متجمعه في مكان علي الطريق مهتمتش وقولت اكمل طريقي بس
لقيت نفسي تلقائي رايحه ناحيه الناس مش عارفه بقا ده
اسمو فضول ولا اي بس المهم رحت اشوف لقيت حادثه
عربيه مقلوبه وفيها ناس بس المنظر بجد يخلي الانسان
ينهار وانا واقفه بشوف الناس وهيه بتحاول تفتح العربيه
عشان يطلعوهم وكده سمعت صوت بيبي صغير بيعيط
ف فضلت اقول للناس اللي واقفه انو في طفل صغير
في العربيه بس طبعا كان صوتهم عالي جدا فضلت ازعق
بأعلي صوتي لغيت ما حد فيهم انتبه ليا وقالي…. خير
يا انسه بتزعقي لي….. قولت بتوتر وبخوف ف… في صوت طفل جوا العربيه بسرعه حاولو طلعوه.
وبالفعل لما ركزو سمعو صوت الطفل وفضلو يحاولو وبعد
محاولات لفتح العربيه وطلعو الطفل جريت بسرعه واختدو
منهم وفضلت خضتنه فيه كأني اعرفو ومش عارفه لي عملت كده
…. بس قولت يمكن عشان انا من النوع اللي بتحب الاطفال
وبتتعلق بيهم فضلت ماسكه الطفل بحاول اهديه لانو كان
بيعيط جامد فضلت اطبطب عليه لحد ما نام وبعدين الاسعاف جت واخدت
اللي كان في العربيه وكان واحد ومعاه الطفل ده بس اعتقد انو ابنو لانو مكنش في غيرهم في العربيه
ركبت معاهم العربيه الاسعاف ورحت معاهم المستشفى
وجابو ترولي ودخلهم العمليات وطبعا الدكاترة جيهم يجرو وطبعا البوليس
جيه يحقق وكده وانا ده كلو واقفه وحضنه البيبي وبخبيه عشان ميشوفش كل ده جيه الظابط وفضل يسألني
الظابط: حضرتك تقرابيلهم
اريچ بتوتر: انا معرفوهمش انا كنت ماشيه علي الطريق وشوفت الحادثه وحكيت كل اللي حصل للظابط
الظابط: تمام يا انسه احنا هنشوف اي اثبتات شخصيه معاهم عشان نقدر نتواصل مع اهلهم
اريچ: تمام
وبعد كده رحت اخدت الطفل ورحت سألت علي دكتور اطفال
في المستشفى عشان اطمن اذا كان حصلو حاجه او لا
اصلها مش حادثة عاديه وده طفل لقيت ممرضه جريت عليها عشان اسألها
اريچ: لو سمحتي ….
للمتابعة اضغط على الصفحة التالية »
