بنت عمك جايه من امريكا بكره يافارس يابني عايزك تروح تجيبها من المطار هي واختها
رد باستغراب :
-بنت عمي !
جايين يزورونا يعني
عصام وهو بيتنهد بحزن:
-لا هيعيشوا معانا هنا
رفع حاجبه بتساؤل:
-يعيشوا معانا ليه مش فاهم
هو مش امهم عايشه
ضحك عصام بسخريه:
-اه بس اتجوزت بعد موت عمك ب اربع شهور
رد بذهول :
-معقوله؟!
عصام وهو بيهز رأسه بتأكييد:
-اتجوزت حته عيل صايع قد عيالها مفكره نفسها لسه شابه!
فارس بصدمه :
-مجنونه ديه ولا ايه ازاي تعمل كده افرض طلع مش كويس هي مش خايفه علي بناتها
-بنتها الكبيره كلمتني من كام يوم وهي منهاره قالتلي انها هترجع علي مصر هي واختها بسببه
فارس وهو بيقفل نص عينه بشك:
-بسبب جوز امها؟
-للاسف طلع شخص مش كويس زي ما بتقول والبنات قالولها بس هي مصدقتهمش
عشان كده هما عايزين يرجعوا علي مصر يعيشوا هنا ،قولتلهم بيتي مفتوح لحد ما نقدر ندبرلهم مكان قريب مننا يعيشوا فيه
فارس وهو بيتنهد بضيق :
-تمام يابابا ينوروا بس انا مش فاضي بكره عندي شغل كتير اوي معلش خلي آسر يروح يجبهم هو
آسر ببرود وهو بياكل :
-مش فاضي عندي تمرين
فارس بغضب وهو بيهبد علي الصُفره :
-يأخي ايه البرود اللي فيك ده!!
آسر وهو بيشاورله بغيظ:
-احترم نفسك يافارس متنساش اني اخوك الكبير
-الكبير مش بالسن يا استاذ الكبير بمقامه وتصرفاته
لو انت الكبير زي ما بتقول كان زمانك واقف جنبي
وشايل عني الحمل في الشغل شويه بدل مانا واقف بطولي كده!
بس ازاي هو حضرتك فاضي كفايه عليك البنات ال*زب*اله
اللي تعرفها والأماكن الح*رام اللي بتروحها كل ليله
آسر بغيظ وغضب وهو بيقوم يقف وبيهبد علي الصُفره:
-قولتلك احترم نفسك ومتتكلمش معايا بالاسلوب ده بدل واقسم بالله اض*ربك
قام وقف هو كمان وهو بيميل بنص جسمه وبيبص في عيونه بتحدي وقال:
للمتابعة اضغط على الصفحة التالية »
